17 Sep 2019 | मंगलबार, ३१ भदौ, २०७६

logo
KCCS
शुक्रबार, २० भदौ, २०७६

एभरेष्ट इन्जिनियरिङ कलेजमा प्रोजेक्ट प्रदर्शनी जारी

एभरेष्ट इन्जिनियरिङ कलेजमा प्रोजेक्ट प्रदर्शनी जारी

काठमाडौं—पोखरा विश्वविद्यालयबाट सम्बन्ध प्राप्त सानेपास्थित एभरेष्ट इन्जिनियरिङ कलेजले प्रोजेक्ट प्रदर्शनी चलिरहेको छ । उक्त प्रोजेक्ट प्रदर्शनी तथा प्रतिस्पर्धा आरोहन २.१ भदौं १९ बाट सुरु भएको हो ।

कलेजले हरेक वर्ष आयोजना गर्दै आएको उक्त कार्यक्रमको विश्वविद्यालयका निमित्त उपकुलपति वुद्धिराज जोशीले उद्घाटन गरेका थिए । सो कार्यक्रमलाई सम्बोधन गर्दै जोशीले यस्ता कार्यक्रमले विद्यार्थीलाई नियमित कोर्समा सिकेका ज्ञान तथा सीपलाई ब्यवहारिक जीवन तथा सरकारले घोषणा गरेको प्राविधिक शिक्षाको प्राथमिकतालाई पूरा गरी राष्ट्रिय आवश्यकता पूरा गर्ने उल्लेख गरे ।

सो कार्यक्रममा शुभकामना मन्तब्य ब्यक्त गर्दै पोखरा विश्वविद्यालयबाट सम्बन्धन प्राप्त कलेजहरुको संस्था ओपनका अध्यक्ष नवराज पाण्डेले कलेज तथा विश्वविद्यालयले यस्ता कार्यक्रम आयोजना गरी नयाँ ज्ञान, सीप विकास गर्ने विश्वास ब्यक्त गरे ।

कार्यक्रममा कलेजका प्राचार्य उमेशप्रसाद थानी तथा प्रमुख कार्यकारी अधिकृत अरुणकुमार भण्डारीले कलेजले विद्यार्थीहरुको ज्ञान, सीप वृद्धिका लागि यस्ता कार्यक्रमहरु नियमित रुपमा आयोजना गरिरहेको बताए । कार्यक्रममा विभिन्न कलेजका प्राचार्य तथा निर्देशकहरुले शुभकामना दिएका थिए ।
उक्त प्रोजेक्ट प्रदर्शनी तथा प्राविधिक प्रतिस्पर्धामा विभिन्न इन्जिनियरिङ कलेज तथा अन्य शैक्षिक संसथहरुको सहभागिता रहेको छ । जसमा विद्यार्थीहरुले विभिन्न प्रोजेक्ट प्रदर्शनी गर्नुका साथै रोबो रेस, रोबो ब्याटल, रोबो स्कोरर, हार्डवेयर कम्पिटीसन, सफ्टवेयर कम्पिटीसन, ह्याथोन, ¥यापिड कोडिङ लोजिक ब्याटल, सिभिल मोडल, भूकम्प प्रतिरोधी बिल्डिङ डिजाइन, लग हाउसलगायतका विधामा ५० भन्दा बढी समूहबीच प्रतिस्पर्धा हुनेछ ।

 

Loading...

 

 

 

 

धेरै पढिएका समाचार